Byltyr Ózbekstanda tótenshe jaǵdaılardan 221 adam qaza tapty
TAShKENT. KAZINFORM — Ózbekstan Senatynyń plenarlyq otyrysynda depýtattar tótenshe jaǵdaılardan qaza tapqandar sanynyń artýyna alańdaýshylyq bildirip, Mınıstrler kabınetine parlamenttik saýal joldady, dep habarlaıdy Kazinform agenttiginiń Tashkenttegi menshikti tilshisi.
Otyrysta baıandama jasaǵan senator Kýtbıdın Býrhanovtyń aıtýynsha, 2025 jyly respýblıkada 82 tótenshe jaǵdaı bolyp, saldarynan 256 adam jaralanyp, 221 turǵyn qaza tapty. 2024 jylmen salystyrǵanda byltyr órt oqıǵalary 12,7%-ǵa, al ajal qushqandar sany 7%-ǵa ósken.
Osy máselege alańdaýshylyq bildirgen depýtattar Mınıstrler kabınetine parlamenttik saýal joldaý týraly sheshim qabyldady. Qujatta tótenshe jaǵdaılardyń monıtorıngine qatysty suraqtar qamtylǵan.
Eske salaıyq, Ózbekstanda qaýipti ónerkásip nysandaryndaǵy ereje buzý deregin habarlaǵandar syıaqy alady.
Sonymen qatar 2025 jyly Ózbekstanda 9 226 jol-kólik oqıǵasy bolyp, saldarynan 2100-den astam adam jol apatynan qaza tapty.
