Byltyr Ózbekstanda óndiristegi jazataıym oqıǵalardan 250-ge jýyq qyzmetshi qaza tapty
TAShKENT. KAZINFORM — 2025 jyly Ózbekstanda óndiristegi jazataıym oqıǵalardan 961 jumysshy zardap shekti, dep habarlaıdy Kazinform agenttiginiń menshikti tilshisi.
Memlekettik eńbek ınspektsııasynyń málimetinshe, zardap shekken 961 adamnyń 680-i - aýyr, al 33-i jeńil jaraqat aldy. Sondaı-aq, jazataıym oqıǵalardyń saldarynan 248 adam qaza tapty.
Adam ómirine qaýip tóndirgen jaǵdaılar qurylys (234 oqıǵa) sektorynda, jeńil ónerkásipte (47 oqıǵa) jáne kólik salasynda (37 oqıǵa) kóp tirkeldi.
Eńbek zańnamasy saqtalmaı, aýyr zardaptarǵa ákep soqqan oqıǵalar úshin 432 laýazymdy tulǵaǵa qatysty qylmystyq is qozǵalyp, taǵy 241 adam ákimshilik jaýapqa tartyldy.
Eske salaıyq, byltyr 9 aıda Ózbekstanda jol apatynan 1300-den astam adam qaza tapty.
Qosa ketsek, QR Memlekettik eńbek ınspektsııasy komıtetiniń 2025 jylǵy 1 shildedegi málimeti boıynsha, elimizde óndiristik jaraqat alǵandar sany 16,6%-ǵa azaıǵan.