Byltyr Ózbekstanda eń qymbat kólik nómiri 74 myń dollarǵa satylǵan
TAShKENT. KAZINFORM – 2024 jyly Ózbekstandaǵy eń qymbat kólik nómiri 965,3 mln sýmǵa (shamamen $74,3) satylǵan, dep habarlaıdy Kazinform agenttiginiń menshikti tilshisi.

Ózbek respýblıkalyq taýar-shıkizat bırjasynyń málimetinshe, bir jyl ishinde VIP kólik nómirleriniń satylymy 43,6%-ǵa ósken. Atap aıtqanda, byltyr ózbekstandyqtar «Avtoraqam» servısi arqyly 195 myńnan astam qymbat nómirdi rásimdegen.
Onyń 97% jeke tulǵalarǵa tıesili bolsa, qalǵan 3% kompanııalar men túrli uıymdardyń úlesinde. Byltyr tirkelgen eń arzan kólik nómiri - 1,7 mln sým ($131).
Eske sala keteıik, 2024 jyldyń 9 aıynda ózbekstandyqtar 48,4 mln dollarǵa VIP kólik nómirlerin satyp alǵanyn jazyp edik.
Taıaýda Ózbekstanda elektromobılder úshin ýtılalym quny qymbattaıdy.
Sonymen qatar, byltyr Qazaqstan Ózbekstanǵa eń kóp elektromobıl eksporttaǵan elderdiń úshtigine endi.