Byltyr Ózbekstanda 5 myńnan astam jemqorlyq qylmysy anyqtaldy

TAShKENT. KAZINFORM — 2025 jyly Ózbekstanda 5 myńnan astam sybaılas jemqorlyq qylmysy tirkeldi, dep habarlaıdy Kazinform agenttiginiń menshikti tilshisi.

Sybaılas jemqorlyqqa qarsy is-qımyl agenttiginiń basshysy Akmal Býrhanovtyń málimdeýinshe, 2025 jyly qylmystar sany 8,6%-ǵa tómendedi. Atap aıtqanda, byltyr 5 222 fakti anyqtalsa, 2024 jyly mundaı 5 716 derek tirkelgen edi.

Sybaılas jemqorlyq qylmystary Densaýlyq saqtaý, Mektepke deıingi jáne orta bilim berý mınıstrlikterinde, sondaı-aq jergilikti ákimdikterde kóp jasalǵan.

Agenttik basshysynyń málimetine saı, 2025 Ferǵana jáne Surhandarııa oblystarynda para berý jáne para alý derekteri jıi tirkelgen. Bul rette Horezm, Qashqadarııa, Tashkent jáne Samarqand oblystaryndaǵy qylmys sany azaıdy.

— Sybaılas jemqorlyq qylmystar úshin aýdandyq jáne qalalyq deńgeıdegi 12 ákim jaýapqa tartyldy. Jalpy, 300-den astam fakti jergilikti ákimdikterde tirkeldi. ıAǵnı, olardyń 80%-dan astamyn ákimniń kómekshileri jasaǵan, — dedi Akmal Býrhanov.

Buǵan deıin habarlaǵanymyzdaı, Ózbekstan úkimeti jemqorlyqpen kúres úshin memlekettik satyp alý júıesine jasandy ıntellektti engizýdi josparlap otyr.

Sondaı-aq, Ózbekstan bıligi JI-di engize otyryp, 2 myńnan astam sheneýnikti jumystan bosatpaq.