Byltyr Ózbekstanda 2100-den astam adam jol apatynan qaza tapty

TAShKENT. KAZINFORM — 2025 jyly Ózbekstanda 9 226 jol-kólik oqıǵasy boldy, dep habarlaıdy Kazinform agenttiginiń menshikti tilshisi.

Tirkelgen jol apattarynan 2 188 adam qaza taýyp, 8 901 adam zardap shekti. Bul rette, 2024 jyldyń sáıkes kezeńimen salystyrǵanda qaıǵyly oqıǵalar sany 1,5%-ǵa azaıǵan.

Atap aıtqanda, balalardyń qatysýymen bolǵan apattardyń sany - 9,6%, odan kóz jumǵandardyń sany 12,8%-ǵa kemidi.

Eske salaıyq, byltyr 9 aıda Ózbekstanda jol apatynan 1300-den astam adam qaza tapty.

Buǵan deıin habarlaǵanymyzdaı, 10 ret ereje buzǵan ózbekstandyqtar endi kólik basqarý quqyǵynan aıyrylýy múmkin.

Buǵan qosa, Ózbekstanda avtobýs jolaǵyna túsken kólik júrgizýshilerine aıyppul salynýy múmkin ekenin jazyp edik.

Al 2024 jyly mas kúıinde kólik basqarǵan 31,3 myń ózbekstandyq ákimshilik jaýapqa tartyldy.

Sondaı-aq, 2024 jyly Ózbekstanda jol apatynan 2 myńnan astam adam qaza tapty.