Byltyr Ózbekstan Reseı gazynyń ımportyn 15%-ǵa arttyrdy
TAShKENT. KAZINFORM – Byltyr Ózbekstan Reseıden 6,4 mlrd tekshe metr gaz ımporttady, dep habarlaıdy Kazinform agenttiginiń Tashkenttegi menshikti tilshisi.
«Gazpromnyń» jyldyq esebine sáıkes, 2024 jyly ózbek tarapy 5,64 mlrd tekshe metr kógildir otyn ımporttasa, byltyr bul kórsetkish 15%-ǵa artyp, 6,48 mlrd tekshe metrge jetti.
Atalǵan resýrs Qazaqstan aýmaǵymen ótetin «Orta Azııa – Ortalyq» magıstraldyq gaz qubyry arqyly jetkizilgen. Taıaýda «Gazprom» ókilderi 2025 jyly Qazaqstan, Ózbekstan jáne Qyrǵyzstanǵa gaz eksporty 22,2%-ǵa, al Grýzııaǵa 40,4%-ǵa artqanyn málimdep edi.
Eske salaıyq, jaqynda Ózbekstanda gaz baǵasyn negizsiz kótergen kompanııalarǵa qatysty is qozǵaldy.
Sondaı-aq, byltyr Ózbekstan Qytaıǵa 773 mln dollardyń gazyn eksporttady.
Buǵan deıin habarlaǵanymyzdaı, bıyl Ózbekstanda suıytylǵan gaz qymbattady.
