Byltyr Ózbekstan Qytaıǵa 773 mln dollardyń gazyn eksporttady

TAShKENT. KAZINFORM — Byltyr Ózbekstan Qytaıǵa baǵyttalǵan gaz eksportyn 19%-arttyrdy, dep habarlaıdy Kazinform agenttiginiń menshikti tilshisi.

2025 jyly Qytaıǵa kóp kólemde gaz satqandardyń kóshin Reseı bastap tur. Resmı Máskeý byltyr Beıjińge 9,41 mlrd dollardyń kógildir otynyn jetkizgen. Odan keıingi oryndarǵa Túrikmenstan ($8,41 mlrd), Mıanma ($1,53 mlrd) jáne Qazaqstan ($1,13 mlrd) jaıǵasqan. Bul rette Ózbekstan eksporttaýshylardyń bestigine endi.

Toqtala ketsek, 2024 jyly resmı Tashkent Qytaıǵa 627,6 mln dollardyń gazyn jetkizgen bolatyn. Byltyr bul kólem 19%-ǵa artyp, 773 mln dollarǵa teńeldi.

Eske salaıyq, jyl basynan beri Ózbekstanda suıytylǵan gaz qymbattady.

Buǵan deıin habarlaǵanymyzdaı, Ózbekstanda gaz óndirisi tómendep barady. 2025 jyly 10 aıda kórshiles elde 35,5 mlrd tekshe metr gaz óndirildi, bul 2024 jyldyń sáıkes kezeńimen salystyrǵanda 5,3%-ǵa az.