Byltyr otandyq kıno óndirisi 58 paıyzǵa artty

ASTANA. KAZINFORM – Úkimet basshysy Oljas Bektenov kıno salasyn damytýda tabys tabýdy maqsat etpeý kerektigin aıtty.

- Qazaqstandyq kıno óndirisi byltyr 58%-ǵa ósti. Kassalyq tabysy eń joǵary 10 fılmniń arasynda árbir ekinshi taspa otandyq óndiristiń týyndysy boldy. Sheteldik jáne otandyq kartınalardan túsetin alym shamamen teńesti. Bul kórermenderdiń ulttyq kontentke degen qyzyǵýshylyǵynyń artyp kele jatqanyn bildiredi. Sondyqtan da quryltaıda Memleket basshysy túsirilip jatqan fılmder men serıaldarǵa erekshe mán berýdi tapsyrdy, - dedi Oljas Bektenov Úkimet otyrysynda.

Osy oraıda Premer-mınıstr jobalardyń sanyn kóbeıtip, tek paıda túsirýdi ǵana maqsat etpeı, fılmderdiń sapasyna basa nazar aýdarý kerektigin basa aıtty.

Aıta keteıik, bıyl balalarǵa arnalǵan 5 álemdik kınotýyndy qazaqsha kórsetiledi.