Byltyr memlekettik aktsııalar úlesinen bıýdjetke qansha kiris tústi
ASTANA. KAZINFORM — 2025 jyly respýblıkalyq bıýdjetke memlekettik aktıvterden túsken dıvıdendter men basqa da túsimder mıllıardtaǵan teńgege jetti.
— 2025 jyly respýblıkalyq bıýdjetke aktsııalardyń memlekettik paketine 164,7 mlrd teńge, zańdy tulǵalarǵa qatysý úlesine 17,4 mlrd teńge, sondaı-aq respýblıkalyq memlekettik kásiporyndardyń taza tabysynyń bir bóligine 11,1 mlrd teńge mólsherinde dıvıdendter túsimi qamtamasyz etildi, — dedi QM Memlekettik múlik jáne jekeshelendirý komıtetiniń tóraǵasy Nurmahan Ádilbekov Ortalyq kommýnıkatsııalar qyzmeti alańynda.
Onyń aıtýynsha, qazirgi tańda Komıtettiń qaramaǵynda 134 aktsıonerlik qoǵam, memleket qatysatyn 37 jaýapkershiligi shekteýli seriktestik jáne 168 respýblıkalyq memlekettik kásiporyn bar.
Sonymen qatar Nurmahan Ádilbekov 2025 jyly múliktik jaldaýǵa (jalǵa alýǵa) respýblıkalyq turǵyn emes qordyń 1638 obektisi men 107 birlik jabdyq berilgenin aıtty. Sonyń nátıjesinde respýblıkalyq bıýdjetke 2,7 mlrd teńge kóleminde qarajat túsken.
Buǵan deıin byltyr bıýdjet kirisine teris áser etken salalar jaıly jazǵan edik.
