Byltyr qurylys jumystarynyń kólemi 15,1%-ǵa ulǵaıdy
ASTANA. KAZINFORM – 2023 jyly qurylys jumystarynyń (qyzmetteriniń) kólemi 7 612,8 mlrd teńgeni qurady jáne aldyńǵy jylmen salystyrǵanda 15,1%-ǵa ulǵaıdy, dep jazady Ulttyq statıstıka bıýrosy.
«Bul rette respýblıka boıynsha qurylys jumystarynyń jalpy kóleminen jeke qurylys uıymdary — 82,2%, sheteldik — 17,3% jáne memlekettik mekemeler — 0,5% oryndady.
Qurylys jumystarynyń qurylymy boıynsha negizgi kólemi qurylys-montaj jumystary jumystaryna — 84,7%, kúrdeli jóndeý jumystaryna — 7,6%, aǵymdaǵy jóndeý jumystaryna — 7,7% keledi», — delingen habarlamada.
2023 jyly salynyp jatqan obektiler túrleri boıynsha eń kóp úles salmaǵyn 51,1% — ımarattar, 32,9% — turǵyn emes ǵımarattar, 16%- turǵyn úı ǵımarattary boıynsha oryndalǵan jumystar kólemi alady. Eń kóp kólem qundyq mánde ımarattar qurylysy boıynsha baıqaldy — 3 893,7 mlrd teńge jáne eń joǵarǵy ósý 2022 jylmen salystyrǵanda ımarattar qurylysy boıynsha belgilendi — 33,1%.
«Byltyr 38 017 jańa ǵımarattyń qurylysy aıaqtaldy, onyń ishindegi 35 304 turǵyn jáne 2 713 turǵyn emes maqsattaǵy. Paıdalanýǵa berigen turǵyn úılerdiń jalpy alańy 17,8 mln.teńgeni qurady, bul ótken jylmen salystyrǵanda 13,8% ósti. Paıdalanýǵa berilgen: jalpy bilim beretin mektepter — 112 birlik, mektepke deıingi uıymdar — 63, ambýlatorııalyq-emhanalyq uıymdar — 107, aýrýhanalar — 3 birlik. Bul rette, ambýlatorııalyq emhanalardaǵy aýysymǵa kelip ketý 2022 jylmen salystyrǵanda 2 955 aýysymǵa kelip ketýge ósti», — dep málimdedi statbıýro.
