Byltyr Qazaqstanǵa resmı saparmen kelgen Nýsrat Ganı jańa qyzmetke taǵaıyndaldy

ASTANA. KAZINFORM – Ulybrıtanııa premer-mınıstri Rıshı Sýnak qorǵanys mınıstriniń orynbasary Djeıms Hıppı qyzmetinen ketken soń úkimet quramyn ózgertti.

D.Hıppıdiń ornyna buǵan deıin Syrtqy ister mınıstriniń orynbasary qyzmetin atqarǵan, Eýropa, Kavkaz jáne Ortalyq Azııa elderimen qarym-qatynas ornatýǵa jaýapty Leo Dokertı taǵaıyndaldy.

Syrtqy ister mınıstriniń orynbasary qyzmetine buǵan deıin bıznes jáne saýda jónindegi memlekettik mınıstr qyzmetin atqarǵan Nýsrat Ganı taǵaıyndaldy.

Nýsrat Ganı ótken jyldyń qarasha aıynda Qazaqstan-Brıtan úkimetaralyq komıssııasynyń otyrysyna qatysý úshin elimizge kelip, osy jyldyń naýryz aıynda Qazaqstan men Ulybrıtanııa arasyndaǵy mańyzdy paıdaly qazbalar salasyndaǵy yntymaqtastyq Jol kartasyna qol qoıdy.