Ótken jyly Qazaqstanǵa qansha qandas kóship keldi
ASTANA. KAZINFORM — 2025 jyly Qazaqstanǵa 6 843 adam kóship kelgen, onyń 2 234-i — qandas, qalǵany — qonys aýdarýshylar.
QR Eńbek jáne halyqty áleýmettik qorǵaý mınıstrligi Kazinform agenttiginiń resmı saýalyna joldaǵan jaýabyndaǵy derekke saı, bul tizimde soltústik óńirler kósh bastap tur. Atap aıtqanda:
— Pavlodar oblysyna — 2 190 adam,
— Soltústik Qazaqstan oblysyna — 2 176 adam,
— Shyǵys Qazaqstan oblysyna — 774 adam,
— Qostanaı oblysyna — 651 adam,
— Abaı oblysyna — 508 adam,
— Aqmola oblysyna — 300 adam,
— Atyraý oblysyna — 103 adam,
— Ulytaý oblysyna — 103 adam,
— Qaraǵandy oblysyna — 38 adam qonys aýdarǵan.
Kóship kelýshi adamdar myna elderden kelgen:
- Qytaıdan — 853
- Ózbekstannan — 720
- Mońǵolııadan — 459
- Reseıden — 103
- Túrikmenstannan — 64
- basqa elderden — 35 adam.
Mınıstrlik atap ótkendeı, qabyldanyp jatqan sharalardyń nátıjesinde qonystaný óńirlerindegi kóshi-qonnyń teris saldosy 2019 jylmen salystyrǵanda 36%-ǵa tómendedi. Bul sharalar qonys aýdarýshylar men qandastarǵa arnalǵan áleýmettik jáne turǵyn úı qoldaýyn jaqsartýǵa múmkindik beredi.
Aıta keteıik, 2025 jyly Migration.enbek.kz portaly arqyly Qazaqstanǵa kóshý boıynsha 18 639 ótinish óńdeldi.
