Byltyr Qazaqstanǵa 15 mln-nan astam sheteldik týrıst kelgen

ASTANA. KAZINFORM – Ótken jyly Qazaqstanǵa 15 mln-nan astam sheteldik týrıst keldi. Bul týraly Úkimet otyrysynda týrızm jáne sport mınıstri Erbol Myrzabosynov baıandady.

Mınıstrdiń aıtýynsha, elimizde ishki týrızm de aıtarlyqtaı ósken. Erbol Myrzabosynovtyń dereginshe, 10 mln-nan astam qazaqstandyq el boıynsha belsendi saıahattaǵan. 

Vedomstvo basshysy sońǵy jyldary Qazaqstan sheteldik týrıster úshin anaǵurlym ashyq elge aınalǵanyn atap ótti. Búginde 87 eldiń azamaty Qazaqstanǵa vızasyz, taǵy 107 eldiń azamaty elektrondy vızamen kire alady. Áýe qatynasy keńeıip keledi. «Ashyq aspan» saıasatynyń arqasynda ótken jyly 22 jańa marshrýt iske qosyldy. Bıyl taǵy 32 marshrýt josparlanyp otyr.

Aıta keteıik, búgin Oljas Bektenov týrısterge kelgen sátten bastap, ketkenge deıin qolaıly jaǵdaı jasaýdy tapsyrǵan bolatyn.