Byltyr qazaqstandyqtar jemis pen teńiz ónimderin eń kóp tutynǵan — Ulttyq statıstıka bıýrosy

 ASTANA. KAZINFORM — Bıýro turmys deńgeıi boıynsha 12 myń úı sharýashylyǵy arasynda júrgizilgen iriktemeli zertteý nátıjesinde І toqsandaǵy azyq-túlik tutyný kórsetkishi boıynsha jınalǵan derekterdi jarııalady.

Málimetke saı, ótken jyldyń sáıkes kezeńimen salystyrǵanda tutynýdyń eń joǵary ósimi jemister (+3,5%), balyq jáne teńiz ónimderi (+2,2%) ekeni baıqalǵan. 

Azyq-túlik ónimderiniń jekelegen túrleri boıynsha halyqtyń jan basyna shaqqandaǵy orta eseppen bir aıda tutynýy: kartop — 3,7 kg, 1-surypty unnan jasalǵan bıdaı nany — 2,3 kg, sıyr eti — 2 kg, alma — 1,6 kg, qumsheker — 1,5 kg, kúrish — 1,3 kg, shıki sút — 0,9 l, jumyrtqa — 17,1 dana, makaron ónimderi — 0,9 kg, endi aýlanǵan nemese salqyndatylǵan balyq — 0,6 kg qurap otyr.

Óńirler arasynda nan ónimderi men jarmalardy tutyný kórsetkishi Túrkistan oblysynda eń joǵary (jan basyna shaqqanda aıyna 14,1 kg), eń az tutyný Mańǵystaý oblysynda (jan basyna shaqqanda aıyna 7,9 kg).

Eske sala keteıik, buǵan deıin stat bıýro bıyl poshta men kýrerlik qyzmetten 35,4 mlrd teńge túskenin habarlaǵan edi.