Byltyr qazaqstandyqtar eGov arqyly 44 mln qyzmet alǵan

ASTANA. KAZINFORM – eGov júıesi 2023 jyly qazaqstandyqtarǵa 44 mıllıonnan astam elektrondy qyzmet kórsetken. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Úkimettiń kóshpeli otyrysynda málim etti.

- Búginde tsıfrlandyrý azamattardyń ómir súrý salalarynyń barlyǵyn qamtyp otyr – bul densaýlyq saqtaý, bilim berý, jumysqa ornalastyrý, quqyqtyq qoldaý.
2023 jyly 44 mıllıonnan astam qyzmet kórsetildi, - dedi ol.

Sondaı-aq, ol eki myńnan astam mektep oqýshylarǵa tegin tamaqty elektrondy negizde rásimdeý júıesine qosylǵanyn aıtty. 

- Memlekettik dárihanalar júıesi 100% osy júıemen qamtylǵan, 1,5 mıllıonnan astam retsept óńdelip, berildi, - dedi Jaslan Mádıev.

Eske salsaq, eGov júıesinde vırtýaldy kómekshi paıda bolǵany týraly habarlaǵan bolatynbyz.