Byltyr Qazaqstandaǵy halyq sany 195 480 adamǵa ósken

ASTANA.KAZINFORM — Qazaqstan halqynyń sany 20 478 879 adamǵa jetti. Bul týraly Ulttyq statıstıka bıýrosy málim etti. 

Ulttyq statıstıka bıýrosynyń dereginshe, 2025 jyldyń basynan beri eldegi halyq sany 195 480 adamǵa ósken. Kórsetkish boıynsha qala halqynyń sany 13 013 064 adamǵa jetse, aýyl halqy 7 465 815 adam. 

Halqy eń kóp qalalar:

Astana — 1,63 mln adam

Almaty — 2,34 mln adam

Shymkent — 1,29 mln adam

Al halqy eń tyǵyz ornalasqan aımaq — Túrkistan oblysy. Onda shamamen 2,15 mln adam turady.

Máselen, 2024 jyly 14 345 myń adam kóship-qonsa, byltyr 13 781 myń adam qonys aýdarǵan. 

Erler – 9 993 079 adam;

Áıelder – 10 452 152 adam.

Eske sala keteıik, buǵan deıin QR SJRA Ulttyq statıstıka bıýrosy Ekonomıkalyq yntymaqtastyq jáne damý uıymynyń (EYDU) «Better Life Index» ádistemesine sáıkes, 2024 jylǵa arnalǵan Qazaqstandaǵy ómir súrý sapasynyń ındeksi kórsetkishterin jarııalaǵan bolatyn.

Atalǵan ındeks EYDU tańdaýy boıynsha eldiń damý deńgeıin sıpattaıtyn ál-aýqat kórsetkishterin qamtıdy. Munda halyqtyń materıaldyq nemese ekonomıkalyq ál-aýqaty ǵana emes, sonymen qatar adam áleýetin ósirýge baılanysty mańyzdy aspektiler de eskeriledi. Qazaqstan birqatar kórsetkish boıynsha oń nátıjege qol jetkizdi.

Bıýro derekterine sáıkes, 2024 jyly halyqtyń moraldy qoldaýǵa qanaǵattaný deńgeıi, ıaǵnı qıyn sátte ıek artar jandardyń bar ekenine degen senim 93,3% qurady. EYDU elderi boıynsha bul kórsetkishtiń ortasha deńgeıi — 91%.

Dúnıejúzilik baqyt týraly esepke (World Happiness Report) sáıkes, Qazaqstan Azııadaǵy eń baqytty elder úshtigine kirdi.