Qazaqstanda byltyr óndiristik jazataıym oqıǵalar sany 1380-ge jetti
ASTANA. KAZINFORM — Qazaqstanda óndiristik jaraqattaný deńgeıiniń tómendeýi tirkeldi. Bul týraly QR Eńbek jáne halyqty áleýmettik qorǵaý mınıstrliginiń Memlekettik eńbek ınspektsııasy komıtetiniń tóraǵasy Meırambek Ahmetov málim etti.
Onyń aıtýynsha, kásiporyndardaǵy qaýip-qaterler saqtalǵanyna qaramastan, sońǵy bir jyldaǵy jalpy dınamıka kórsetkishterdiń jaqsarǵanyn kórsetedi.
2024–2025 jyldarǵa júrgizilgen salystyrmaly taldaý óndiristegi jazataıym oqıǵalar sanynyń azaıǵanyn baıqatady.
— Eger 2025 jyldy 2024 jylmen salystyratyn bolsaq, óndiristik jaraqattaný 9%-ǵa tómendedi. 2024 jyly 1420 jaǵdaı tirkelse, 2025 jyly bul kórsetkish 1380-ge deıin azaıdy. Alaıda oń dınamıkaǵa qaramastan, jaraqattaný deńgeıi áli de joǵary bolyp otyr, sondyqtan qaýipsizdik sharalaryn kúsheıtý jumystary jalǵasyp jatyr, — dedi ol.
Buǵan deıin Astanada óndiristik jaraqattanýdyń aldyn alý sharalary kúsheıtilgenin jazǵanbyz.
