Byltyr Qazaqstanda 20 qylmystyq toptyń áreketi toqtatyldy
ASTANA. KAZINFORM – Ulttyq qaýipsizdik komıteti uıymdasqan qylmysqa qarsy is-qımyl sharalaryn júıeli iske asyryp keledi.
Komıtettiń málimetinshe, byltyr polıtsııa organdarymen birlesip jáne prokýratýranyń úılestirýimen 20 qylmystyq top ókilderiniń áreketiniń joly kesildi.
- Kisi óltirý, bopsalaý, esirtki men qarýdy zańsyz saqtaý derekteri boıynsha 70-ten astam adam ustaldy. Olardyń qatarynda qazaqstandyq jáne sheteldik quqyq qorǵaý organdarynyń izdeýinde júrgen tulǵalar da bar, - delingen aqparatta.
Tergeý barysynda 30 atys qarýy men 11 jaraqat qarýy, sondaı-aq qarajat tárkilendi. Qazirgi ýaqytta sotqa deıingi tergep-tekserý amaldary júrgizilip jatyr.
Uıymdasqan qylmysqa qarsy is-qımyl sharalary jalǵasýda.
Aıta keteıik, UQK Shymkenttegi aýdandyq polıtsııa basqarmasy basshysynyń ustalǵanyn rastady.