Byltyr Qazaqstan zaýyttary 170 myńnan astam kólik shyǵardy
ASTANA. KAZINFORM — 2025 jyly Qazaqstandaǵy zaýyttar 171 144 avtokólik shyǵardy.
- 2025 jyly Qazaqstanda jalpy quny 2,3 trln teńgeden asatyn 171 144 barlyq tıpti kólik quraly (jeńil avto, avtobýstar, júk kólikteri) shyqty. Bir jyl buryn quny 1,9 trln teńge bolatyn 145 290 tehnıka óndirilgen (+17,8%). Bul óz kezeginde Qazaqstan avtoóndirisi tarıhyndaǵy eń úzdik nátıje. Jyl qorytyndysy boıynsha sala óńdeý ónerkásibiniń jalpy kóleminiń 8 paıyzyn qamtyp otyr, al mashına jasaý salasyndaǵy úlesi – 41,7%, - delingen «Qazaqstannyń Avtokólik odaǵy» (QAO) málimetinde.
Byltyr zaýyttardy jańa jabdyqpen qamtý jáne avtomobıl komponentterin óndirý esebinen óndirisike 113,6 mlrd teńge ınvestıtsııa quıyldy. Almaty men Qostanaıda jańa zaýyttar – Astana Motors Manufacturing Kazakhstan jáne Kia Qazaqstan iske qosyldy. Bul jumys oryndarynyń kóbeıýine yqpal etti, sala mamandarynyń sany 11 153 adamǵa jetti.
Atap aıtqanda, 2025 jyly saladaǵy jeńil avtomobıl óndirisiniń úlesi ádettegideı joǵary boldy.
Buǵan deıin habarlanǵandaı, 2026 jylǵy 1 qańtardan bastap jańa Salyq kodeksine sáıkes kólik salyǵyn esepteý tártibi ózgerdi.