Byltyr Qazaqstan men Qytaı arasyndaǵy taýar aınalymy 41 mlrd dollar boldy
ASTANA. KAZINFORM – Eki el arasyndaǵy taýar aınalymy 30 paıyzǵa artyp rekordtyq kórsetkishke jetken.
Búgin Qytaı Halyq Respýblıkasynyń Syrtqy ister mınıstri Van I Qazaqstanǵa resmı saparmen keldi.
Sapar aıasynda Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileýmen shaǵyn jáne keńeıtilgen quramdaǵy kelissózder júrip jatyr.
«Qazir halyqaralyq ahýaldyń kúrdeliligi men syn-tegeýrinderine qaramastan, bizdiń elderimizdiń halyqaralyq jáne óńirlik kún tártibindegi kóptegen másele boıynsha ustanymdary uqsas. Buǵan BUU, ShYU, AÓSShK jáne basqa da alańdar aıasyndaǵy tyǵyz ózara is-qımyl men qoldaý dálel. Jahandyq damý, qaýipsizdik, órkenıet bastamalaryn joǵary baǵalaımyz jáne qoldaımyz. Olar jahandyq qaýipsizdiktiń zamanaýı negizin nyǵaıtýǵa, turaqty damý maqsattaryna qol jetkizýdi jedeldetýge oń úles qosatynyna senimdimin», - dedi Murat Nurtileýov qytaılyq áriptesin qarsy ala otyryp.
Mınıstrdiń aıtýynsha, Qytaı Qazaqstannyń eń iri saýda jáne ekonomıkalyq seriktesi.
«Ótken jyldyń qorytyndysy boıynsha ekijaqty taýar aınalymy 30%-ǵa ósip, rekordtyq kórsetkishke 41 mlrd dollarǵa jetti. Sondaı-aq, Beıjiń Qazaqstannyń úzdik 5 ınvestorynyń qataryna turaqty kiretinin atap ótkim keledi. Búginde biz munaı-gaz, metallýrgııa, hımııa, agroónerkásip jáne ózge de salalarda 7 mlrd dollardan astam somaǵa ondaǵan iri óńirlik jobalardy uıymdastyrdyq. Qazir birqatar sektorda 50-ge jýyq birlesken ınvestıtsııalyq joba iske asyp jatyr», - deıdi ol.
Qazir vedomstvo basshylary ekijaqty qujattarǵa qol qoıylyp jatyr.
