Byltyr Qazaqstan qansha tonna et eksporttady

ASTANA. KAZINFORM – Elimizde ótken jyly 1 mln 235 myń tonnadaı et óndirilip, onyń 102 myń tonnasy eksporttalǵan. Bul týraly Kazinform agenttigi joldaǵan saýalǵa QR Aýyl sharýashylyǵy mınıstrliginiń resmı jaýabynda aıtylǵan.

— 2024 jyly ishki naryqta et ónimderin ótkizý kólemi kelesideı:

- sıyr eti – 419,6 myń tonna;

- jylqy eti – 173,7 myń tonna;

- qoı men eshki eti – 131,3 myń tonna;

- shoshqa eti – 57,8 myń tonna;

- qus eti – 452,4 myń tonna.

Jalpy mólsheri 1 234,8 myń tonna et óndirildi, - delingen habarlamada.

Sondaı-aq, vedomstvo 2024 jyly elden shyǵarylǵan et kólemin de málimdedi. 

— 22,1 myń tonna iri qara mal eti shyǵaryldy, onyń ishinde negizgi ımporttaýshy elder: Ózbekstan – 20,7 myń tonna, Tájikstan – 609 tonna, Iran – 298,4 tonna, Qyrǵyzstan – 295,0 tonna. 

17,6 myń tonna qoı eti shyǵaryldy, onyń ishinde negizgi elder: Ózbekstan – 13,8 myń tonna, OAE – 1,2 myń tonna, Iran – 1,1 myń tonna. 

0,2 tonna jylqy eti Reseı Federatsııasyna eksporttaldy.

42 myń tonna taýyq eti shyǵaryldy, onyń ishinde negizgi elder: Reseı – 25,7 myń tonna, Qyrǵyzstan – 12,5 myń tonna, Ózbekstan – 1,6 myń tonna, Tájikstan – 1,5 myń tonna. 
20 tonna shoshqa eti Armenııa eline eksporttaldy, - delingen jaýapta.

Aıta keteıik, byltyr jyl sońynda QR Aýyl sharýashylyǵy vıtse-mınıstri Azat Sultanov elimizden Qytaı, Túrkııa jáne Eýropa elderine et eksporttaý bastalatynyn aıtqan bolatyn.