Byltyr Qazaqstan 100 iri ınvestıtsııalyq kelisim bekitken

ASTANA. KAZINFORM – Qazaqstan 2029 jylǵa deıin shetelden keminde 150 mlrd dollar ınvestıtsııa tartý kerek. Premer-mınıstrdiń birinshi orynbasary Roman Sklıar Astanadaǵy ınvestıtsııalyq forýmda osyndaı derek keltirdi.

- Qazaqstan tikeleı sheteldik ınvestıtsııa tartý kólemi boıynsha álemdegi úzdik 50 eldiń qataryna kiredi jáne Ortalyq Azııada kóshbasshy bolyp esepteledi. Bul aımaqqa tartylǵan ınvestıtsııanyń 60%-dan astamy Qazaqstanǵa tıesili, - dedi Roman Sklıar.

Birinshi vıtse-premer Úkimettiń aldyna 2029 jylǵa qaraı ulttyq ekonomıka kólemin 450 mıllıard dollarǵa deıin, eki ese arttyrý mindeti qoıylǵanyn eske saldy.

- Biz jahandyq trendterge baǵyttalǵan Investıtsııalyq saıasat tujyrymdamasyn qabyldadyq. Bul 2029 jylǵa deıin kem degende 150 mıllıard AQSh dollary kóleminde sheteldik ınvestıtsııa tartýǵa múmkindik beredi. Byltyr elimizde jalpy somasy shamamen 2,5 mıllıard dollar bolatyn mańyzdy ınvestıtsııalyq jobalarǵa arnalǵan 7 kelisim jasaldy. Sondaı-aq jalpy somasy 3 trln teńgege 107 ınvestıtsııalyq kelisimshart bekitildi. Jyl basynan beri 2 mlrd dollardan astam somaǵa 6 kelisim maquldandy, - dedi ol.

Aıta keteıik, Astanada Joǵarǵy sottyń uıymdastyrýymen ınvestıtsııalyq forým ótip jatyr. Oǵan tıisti sala basshylarymen birge Premer-Mınıstrdiń birinshi orynbasary Roman Sklıar, Eýropalyq Odaqtyń Qazaqstandaǵy ýaqytsha senimdi ókili Macheı Madalınskı qatysyp otyr.