Byltyr Germanııadan deportatsııa jasaý áreketteriniń shamamen 60%-y sátsiz aıaqtalǵan
ASTANA. KAZINFORM — Ótken jyly Germanııa 22 787 adamdy sátti túrde deportatsııalaǵan. Alaıda taǵy 32 855 jaǵdaıda quqyq qorǵaý organdary shetel azamattaryn elden shyǵara almaǵan. Bul týraly dpa agenttigi men Welt am Sonntag basylymy habarlady, dep jazdy DW.
Kóp jaǵdaıda polıtsııa deportatsııaǵa jatatyn adamdardy olardyń tirkelgen mekenjaıynan taba almaǵan. 11 184 is boıynsha deportatsııa týraly suraý salý sheteldikterdi áýejaıǵa jetkizbeı turyp keri qaıtarylǵan. Al 1 593 jaǵdaıda deportatsııa áreketi adamdardy áýejaıda shekara qyzmetkerlerine tapsyrǵannan keıin de sátsiz aıaqtalǵanyn dpa agenttigi jazdy.
Deportatsııaǵa jatatyn adamdardyń jıi joǵalyp ketýine baılanysty Gessen federaldyq aýmaǵynyń Іshki ister mınıstri Roman Pozek olardyń uıaly telefondaryn baqylaý múmkindigin engizýdi usyndy. Onyń aıtýynsha, eger adamdy tabý múmkin bolmasa, osyndaı shara qoldanýǵa bolady.
Saksonııanyń ishki ister mınıstri Armın Shýster bul bastamany qoldaıtynyn bildirdi. Onyń pikirinshe, uıaly telefon arqyly adamnyń ornalasqan jerin anyqtaý deportatsııany qamtamasyz etý quraldaryn tolyqtyratyn mańyzdy tetik bolýy múmkin.
Aıta keteıik, buǵan deıin Ispanııada mıgranttardy zańdastyrýdyń jańa baǵdarlamasy iske qosylatynyn jazdyq.
