Byltyr esirtki satqan neshe polıtseı isti boldy
ASTANA. KAZINFORM – Іshki ister mınıstrliginiń resmı ókili Shyńǵys Alekeshev byltyr esirtki saýdasyna qatysty isti bolǵan polıtseıler týraly aıtty.
«Qyzmetkerler arasynda ózderiniń jumysynyń múddesine nuqsan keltirip, osyndaı is-áreketterge baratyn sanaýly ǵana fakti bar. Esirtkini taratý deregine toqtalsaq, byltyr 3 oqıǵa anyqtaldy», - dedi Sh. Alekeshev mınıstrliktiń aptalyq baspasóz máslıhatynda.
Onyń sózine qaraǵanda, polıtseıler jasaıtyn qylmystardyń 80 paıyzdan astamyn mınıstrliktiń ózindik qaýipsizdik bólimsheleri anyqtap jatyr.
«Biz osyndaı satqyndardy anyqtap, olardy qylmystyq jaýapkershilikke tartýǵa ózimiz múddelimiz», - dedi resmı ókil.
Budan buryn habarlanǵandaı, Qazaqstanda «eliktirgish gazdy» taratqandar qylmystyq jaýapkershilikke tartylýy múmkin.
