Byltyr eń kóp týrıst demalǵan Qazaqstandaǵy TOP-5 kýrorttyq óńir

ASTANA. KAZINFORM – 2024 jyldyń qańtar-qyrkúıek aralyǵynda Qazaqstannyń kýrorttyq óńirlerine 3,4 mıllıon týrıst kelgen. Bul týraly QR Týrızm jáne sport mınıstrligi málim etti. 

Былтыр ең көп турист демалған Қазақстандағы ТОП-5 курорттық өңір
Коллаж Kazinform

Qonaq úıler men ornalastyrý oryndary kórsetken qyzmet kólemi 129 mıllıard teńgege jetken. Nazarlaryńyzǵa týrıster arasynda eń tanymal bes demalys óńirin usynamyz:

5-oryn: Balqash kýrorttyq óńiri

Balqash kóliniń jaǵalaýynda ornalasqan demalys óńiri byltyr 9 aıda 120 948 týrıst qabyldaǵan.

4-oryn: Alakól kýrorttyq óńiri

Alakól kóliniń Abaı oblysyndaǵy aýmaǵyna 125 621, Jetisý oblysyndaǵy bóligine 113 059 týrıst barǵan. Osylaısha, bul óńir elimizdiń basty tabıǵı injý-marjany ekenin taǵy bir márte dáleldedi.

3-oryn: Şýche-Býrabaı kýrorttyq óńiri

Ormany, kólderi jáne kýrorttyq keshenderimen áıgili bul óńir 275 295 saıahatshyny qabyldaǵan.

2-oryn: Mańǵystaý kýrorttyq óńiri

Mańǵystaýdyń kórikti peızajdary men Kaspıı teńiziniń jaǵalaýynda 325 013 týrıst demalǵan.

1-oryn: Almaty taý klasteri

Elimizdiń eń tartymdy kýrorttyq óńirler reıtınginde Almaty taý klasteri kósh bastap tur. Óńirge 1 996 801 týrıst saparlaǵan. Ásem taý peızajdary men taza aýasy óńirdi belsendi jáne tabıǵat aıasyndaǵy demalysty unatatyndar úshin naǵyz tartymdy orynǵa aınaldyrdy.

Eske sala keteıik, buǵan deıin 6 mln ishki týrıst jáne 224 mlrd teńge kiris Qazaqstandaǵy týrızmdi nyǵaıtqanyn jazǵan bolatynbyz.

Sondaı-aq Qazaqstanda týrızmge salynǵan ınvestıtsııa kólemi 20,3%-ǵa artty.

Сейчас читают