Byltyr elimizge 16 mıllıonǵa jýyq sheteldik týrıst kelgen

ASTANA. KAZINFORM — Qazaqstanǵa keletin sheteldik saıahatshylardyń sany jyldan-jylǵa artyp keledi. Bul jóninde QR Týrızm jáne sport mınıstrligi resmı saýalymyzǵa joldaǵan jaýabynda málimdedi.

— 2025 jyly Qazaqstan Respýblıkasyna 15,7 mln sheteldik azamat keldi, — delingen habarlamada.

Byltyr Qazaqstanǵa kelgen týrıster sany boıynsha TOP-10 el:

1. Ózbekstan — 5 590 173 adam;
2. Qyrǵyzstan — 3 545 701 adam;
3. Reseı Federatsııasy — 3 502 093 adam;
4. Qytaı — 968 838 adam;
5. Tájikstan — 883 758 adam;
6. Belarýs — 167 116 adam;
7. Úndistan — 157 845 adam;
8. Túrkııa — 135 952 adam;
9. Ázerbaıjan — 96 834 adam;
10. Germanııa — 95 229 adam.

Elimizge keletin sheteldik saıahatshylardyń sany jyldan-jylǵa ósip keledi.

— Qazaqstanǵa 2020 jyly — 2 mln, 2021 jyly — 1,3 mln, 2022 jyly — 4,7 mln, 2023 jyly — 9,2 mln, 2024 jyly — 15,2 mln, 2025 jyly — 15,7 mln sheteldik týrıst keldi, — delingen resmı jaýapta.

Aıta keteıik, buǵan deıin Germanııanyń iri týrızm qaýymdastyǵy Qazaqstanda forým ótkizetinin jazǵanbyz.