Byltyr elimizde 714 myń adam turaqty jumyspen qamtyldy
ASTANA. KAZINFORM – Ótken jyly 1 mıllıonǵa jýyq adam eńbekpen qamtyldy. Bul týraly Eńbek jáne halyqty áleýmettik qorǵaý vıtse-mınıstri Asqar Bıahmetov málim etti.
- 2024 jyldyń qorytyndysy boıynsha Qazaqstanda 979 myń azamat jumyspen qamtyldy, onyń 714 myńy turaqty jumysqa ornalasty. Onyń ishinde ulttyq jobalar men salalyq tujyrymdamalar aıasynda 65 myńǵa jýyq azamat jumysqa ornalastyryldy. Memleket basshysynyń «10 myń turǵynǵa shaqqanda 100 jumys orny» bastamasy aıasynda 314 myńnan astam adam, jumys berýshiler usynýmen 359 myń adam jáne taǵy 241 myńnan astam adam eńbekpen qamtý sharalary aıasynda jumys tapty, – dedi Asqar Bıahmetov ortalyq kommýnıkatsııalar qyzmeti alańynda ótken baspasóz máslıhatynda.
Vıtse-mınıstrdiń aıtýynsha, búginde aqparattyq júıeleri arqyly jumysqa ornalasqandardyń mindetti zeınetaqy jarnasynyń bar-joǵy, elektrondyq eńbek sharttaryn jasaý jaǵdaıyna monıtorıng júrgiziledi.
- Monıtorıng nátıjesinde jumysqa ornalasqan azamattardyń 85% zeınetaqy jarna túskeni jáne shamamen 60% jumysshymen elektrondyq eńbek sharty jasalǵany anyqtaldy. Jalpy ótken jyly jumyspen qamtý sharalaryna 325 myń azamat tartyldy, - deıdi ol.
Eske sala ketsek, byltyr Májilis depýtaty Ashat Aımaǵambetov elimizde jumyspen qamtýda «tizesi shyqqan» sharalardy qoldanatynyn aıtqan edi.
Sondaı-aq Eńbek mınıstrligi aýylda jumyspen qamtýdyń jańa formalaryn engizýi múmkindigin aıtty.