Byltyr elimizde 235 myń avtokólik satyldy

ASTANA.KAZINFORM - 2025 jyly satylǵan avtokólikterdiń arasynda otandyq ónimniń úlesi basym. Bul jóninde «Qazaqstannyń avtokólik odaǵy» ZTB prezıdenti Anar Maqasheva málimdedi.

— 2025 jyly elimizde 234 852 jańa avtokólik satyldy. Bul kórsetkish 2024 jylmen salystyrǵanda, 14,4%-ǵa joǵary. Demek, suranys jyl saıyn artyp keledi. Sondaı-aq Qazaqstanda byltyr satylǵan 235 myńǵa jýyq mashınanyń 69%-y, ıaǵnı 162 myń danadan astamy — otandyq ónim. Bizdińshe, elimizdegi jańa avtokólik saýdasy 2026 jyly taǵy 5%-ǵa ósedi, — deıdi maman.

Sondaı-aq onyń aıtýynsha, qazaqstandyqtardyń arasynda jeńil avtokólik alǵanda, Qytaı brendterin tańdaıtyndar kóp. Máselen, byltyr 222 myńnan astam jeńil mashına satylsa, sonyń 39%-y, ıaǵnı 85,6 myń danasy — Qytaı brendteri.

Eske salaıyq, buǵan deıin elimizdegi jeńil avtokólikterdiń 40%-dan astamy ábden eskirgenin jazǵanbyz.