Byltyr bıýdjettiń 489 mlrd teńgesi tıimsiz ıgerilgen

ASTANA. KAZINFORM –  Joǵary aýdıtorlyq palata tóraǵasy Álıhan Smaıylov Májilistiń jalpy otyrysynda 2023 jylǵy bıýdjettiń ıgerilý kórsetkishterin atady.

«Úkimettiń derekteri men barlyq memlekettik aýdıt organdary júrgizgen aýdıt nátıjelerine sáıkes bıýdjet qarajatyn tıimsiz paıdalaný somasy 489 mlrd teńge boldy», - dedi ol.

Aıtýynsha, Joǵary aýdıtorlyq palata quqyq qorǵaý organdaryna 23 aýdıt materıalyn joldaǵan.

«123 laýazymdy tulǵa tártiptik jaýaptylyqqa, 32 jeke jáne zańdy tulǵa ákimshilik jaýaptylyqqa tartyldy. Esepti kezeńde 28 mlrd teńge qalpyna keltirildi jáne óteldi», - dedi Á.Smaıylov.

Eske salsaq, Álıhan Smaıylov bıylǵy 5 aqpanǵa deıin Úkimetke jetekshilik etken edi.