Byltyr boryshkerlerdiń múlkin satýdan bıýdjetke 1,5 mlrd teńge tústi – Kirister komıteti

ASTANA. KAZINFORM – Bıyl 1 shildedegi jaǵdaı boıynsha, bıýdjetke shamamen 700 mıllıon teńge tústi. Bul týraly Qarjy mınıstrligi Memlekettik kirister komıtetiniń aýdıt departamenti bereshekpen jumys basqarmasynyń basshysy Qaısar Aryn málim etti.

Kirister komıteti ókiliniń aıtýynsha, negizinen boryshkerlerdiń menshigindegi óndiristik ǵımarattar, jer ýchaskeleri men kólikter satylyp jatyr.

- Azamattardy aýktsıondarǵa belsendi qatysýǵa shaqyramyz. Kez kelgen adam aýktsıonnan óndiristik nysandy, arnaıy tehnıkany, kólik nemese óndiristik maqsattaǵy jer ýchaskelerin satyp ala alady. Múlik aýktsıonǵa shyǵarylǵan kezde onyń naryqtyq quny esepke alynady, alaıda bastapqy baǵa 35%-ǵa tómen belgilenedi. Mysaly, múlik 100 teńgege baǵalansa, ol satylymǵa 65 teńgeden bastap shyǵarylady, - dep túsindirdi Qaısar Aryn vedomstvoda onlaın ótken is-sharada.

Sondaı-aq spıker boryshkerlerdiń múlkin ótkizý tártibin de túsindirdi. Atalǵan protsess birneshe kezeńnen turady, ıaǵnı múlikti túgendeý aktisin jasaý, ony ashyq aýktsıonǵa shyǵarý, aýktsıon ótkizý, sondaı-aq túsken qarajatty boryshkerdiń jeke shotyna qaryzdy óteý úshin aýdarý.

Eske salsaq, Ádilet mınıstri boryshkerlerdiń múlkin aýktsıonda satý kezindegi «sur shemany» ataǵan edi.