Byltyr bankter aýyl sharýashylyǵyna 207 mlrd teńge nesıe bergen
ASTANA. KAZINFORM — Aýyl sharýashylyǵy mınıstri Aıdarbek Saparov Kazinform-ǵa bergen suhbatynda bankter aýyl sharýashylyǵyna 207 mlrd teńge nesıe bergenin aıtty.
— Qazir aýyl sharýashylyǵyna berilgen nesıeniń qaıtarymy — 99%. Bul sharýalardyń qarjylyq turǵydan turaqty ekenin, sektordyń senimdi ekenin kórsetedi. Eldegi ekinshi deńgeıli bankter birneshe jyl buryn agrarlyq salanyń táýekeli joǵary dep, nesıe berýge saqtyqpen qaraıtyn. Qazir jaǵdaı birtindep ózgerip jatyr. Byltyr bankter arqyly agroónerkásip keshenine 207 mlrd teńgeden astam qarajat salyndy, — deıdi ol.
A.Saparov bul AÓK-ke bir jylda baǵyttalǵan búkil qarajattyń 20%-ynan astam bólik ekennin aıtady.
— Bul iske ForteBank, Halyk Bank, Freedom Bank, BankTsentrKredıt jáne Bereke Bank qatysty. Bizdiń mindet — memlekettik qoldaý kólemin ulǵaıtý ǵana emes, salaǵa jeke menshik kapıtaldyń kelýin jedeldetý. Mundaı mehanızm jumys isteı bastaǵanyn da kórip otyrmyz, — deıdi mınıstr.
Buǵan deıin álemdegi sıyr etiniń baǵasy men Qazaqstandaǵy baǵany salystyrǵan edik.
