Byltyr áýe kompanııalaryna 40 mln teńge aıyppul salyndy

ASTANA. KAZINFORM – Áýe reısin keshiktirgen kompanııalar birqatar aıyppul tóledi. Bul týraly Kólik vıtse-mınıstri Talǵat Lastaev málim etti.

самолет
Фото: Мақсат Шағырбай/Kazinform

- Ótken jyly áýe kompanııalaryna 14 aıyppul salynyp, jaýapqa tartyldy. Basty másele reıster keshikken jaǵdaıda jolaýshylardyń quqyqtaryn qorǵaý. Eger avıakompanııalar jolaýshylardy ýaqytyly tamaq jáne qonaqúımen qamtamasyz etpeıtin faktiler anyqtalsa, jaýapqa tartylady. Byltyr avıakompanııalarǵa jalpy 40 mıllıon teńge aıyppul salyndy, - dedi Talǵat Lastaev Úkimet otyrysynan keıin ótken baspasóz máslıhatynda.

Osy oraıda vıtse-mınıstr áýe qatynasyna qatysty árbir shaǵym boıynsha tergeý júrgiziletinin aıtty.

- Bul jerde másele aıyppuldyń mólsherinde emes qoǵamdyq rezonansta bolyp otyr. Avıakompanııa úshin kez kelgen aıyppul, onyń ústine buqaralyq aqparat quraldarynda jaǵymsyz aqparat teris yqpal etedi. Sondyqtan ár jaǵdaıdy muqııat qarap, tergeý júrgizip, jolaýshylardyń quqyǵyn qorǵaýdy jalǵastyramyz, - dep tolyqtyrdy mınıstrdiń orynbasary.

Buǵan deıin habarlaǵanymyzdaı, elimizde júk tasıtyn áýe kompanııasy ashylýy múmkin.

Sondaı-aq otandyq áýe salasyna jasandy ıntellekt engizý josparlanyp otyr.

Aıta ketsek, Úkimet basshysy ushaqtardyń jıi keshigýin synady.

 

Сейчас читают