Byltyr Atyraýda anyqtalǵan 5 qarjylyq pıramıda 425 mln teńge shyǵyn keltirgen
ATYRAÝ.KAZINFORM — Atyraý oblysy boıynsha ekonomıkalyq tergep-tekserý departamenti 5 qarjylyq pıramıda deregin anyqtap, quryqtaǵan. Bul týraly baspasóz brıfınginde departamenttiń basqarma basshysy Bekbolat Ánesov málimdedi.
Qylmystyq isterdi tergeý barysynda qarjy pıramıdalaryna 2000 adam aqsha salǵany belgili bolǵan. Keltirilgen shyǵyn kólemi 425 mln teńgege jýyqtaıdy. Búginde uıymdastyrýshylardyń esepshotyndaǵy 102 mln teńgege shekteý qoıyldy.
— Bir mysal keltiretin bolsaq, Ýksıkbaev jáne Omargalıev degen tulǵalar Atyraý óńirinde «Harmonı Raıder Tehnolodjı» qarjy pırmıdasyn quryp, salymshylardan jalǵan ınvestıtsııaǵa aqsha qarajatyn salǵyzý arqyly jalpy 58 mln-nan astam teńgeni alyp, zalal keltirgen. Sot úkimimen olar qarjy pıramıdasyn qurý deregi boıynsha kináli dep tanylyp, 6 jyl bas bostandyǵynan aıyryldy, — dedi Bekbolat Ánesov.
Mamandardyń sózinshe, turǵyndar kóbine pıramıdaǵa qarjy salý arqyly kólik alyp, úıli bolýdy maqsat etip san soǵyp qalady.
25 mlrd teńge salynǵan Asar Baspana qarjy pıramıdasynyń isi sotqa jiberildi.