Byltyr «ArselorMıttal Temirtaý» kompanııasy 210 myń tonna qaldyq shyǵarǵan

ASTANA. KAZINFORM – Ótken jyly elimizde kásiporyndardyń qaldyq shyǵarý kórsetkishi tómendegen. Bul týraly Ekologııa jáne tabıǵı resýrstar mınıstri Erlan Nysanbaev málim etti.

«Elimizdegi negizgi ekologııalyq problemalar – aýa jáne sý resýrstarynyń lastanýy men tastalatatyn qaldyqtar. 2023 jyldyń qorytyndysy boıynsha şyǵarylǵan qaldyqtar 3,3%-ǵa (4,06 mln. tonna), tógindiler 8%-ǵa (2,3 mln tonna) azaıdy. Keıbir kásiporyndarda qaldyqtardy shyǵarý boıynsha tómendeý kórsetkishi baıqalady. Atap aıtqanda, Nord Kaspıan Opereıtıng Kompanı (Soltústik Kaspıı operatsııalyq kompanııasy) jylyna 36,3 myń tonnadan 23,9 myń tonnaǵa deıin, ArselorMıttal Temirtaý kompanısy ótken jyly 250 myń tonnadan 210 myń tonnaǵa azaıtty», - dedi Erlan Nysanbaev Úkimet otyrysynda.

Odan bólek, mınıstrdiń málimdeýinshe, «Astana energııasy» aktsıonerlik qoǵamy qaldyqtardy 66,17 myń tonnadan 51,5 myń tonnaǵa azaıtsa, sonymen qatar Balqash mys balqytý zaýyty («Kazakhmys Smelting» JShS) jylyna 14,1 myń tonna nemese 18%-tómendetken.

Eske salsaq, byltyr qarashada «ArselorMıttal Temirtaýǵa» 1 mln teńge aıyppul salynǵan edi.