Byltyr álemniń alpaýyt kompanııalary Ózbekstanǵa 1,5 ese kóp salyq tólegen

TAShKENT. KAZINFORM — 2024 jyldy Ózbekstanda jumys isteıtin sheteldik IT-kompanııalardan túsken salyq 1,5 ese ósti, dep habarlaıdy Kazinform agenttiginiń menshikti tilshisi.

Salyq komıtetiniń málimetinshe, Ózbekstan aýmaǵynda jumys istep turǵan 63 sheteldik kásiporyn el qazynasyn 115,8 mlrd sýmǵa (shamamen $8,9 mln) toltyrdy. Bul rette salyqtyń 99 paıyzy 10 IT-kompanııadan tústi.

Sonymen, byltyr eń kóp salyq tólegen kásiporyndar kóshin Meta platformasy bastap tur ($3,2 mln). Odan keıingi oryndarǵa Google ($2,2 mln) men Apple ($2 mln) jaıǵasqan.

Osy oraıda Tik-Tok alǵash ret Yandex Europe kompanııasyn artqa tastap, 10 iri salyq tóleýshiniń qataryna endi. Tıisinshe, 1,5 jyl buryn Ózbekstanda buǵattalǵan áleýmettik jeli salyq esebine turǵan.

Sonymen qatar, salyq tóleýshiler tiziminde Amazon ($316 myń), Booking.com ($277 myń), Netflix ($109 myń) jáne Zoom (1$05 myń) sııaqty kompanııalar bar.

Buǵan deıin habarlanǵanyndaı, Qazaqstanda tirkelgen sheteldik ınternet-kompanııalar tólegen salyqtardyń jalpy somasy 70,0 mıllıard teńgeden asty.

Eske salaıyq, buǵan deıin Ózbekstan bıligi qosylǵan qun salyǵynyń mólsherin 2028 jylǵa deıin kótermeıtinin jazyp edik.

Qosa keteıik, byltyr Ózbekstanda jemqor sheneýnikter memleketke $278,3 mln zalal keltirdi.