Byltyr aǵymdaǵy shot tapshylyǵy 12,5 mlrd dollarǵa deıin ulǵaıdy - UB
ASTANA. KAZINFORM – Byltyr aǵymdaǵy shot tapshylyǵy 12,5 mlrd dollarǵa deıin ulǵaıdy. Bul týraly Úkimet otyrysynda Ulttyq bank tóraǵasynyń birinshi orynbasary Erulan Jamaýbaev aıtty.
- Aǵymdaǵy shot tapshylyǵy saýda balansy profıtsıtiniń kemýine baılanysty 2024 jylǵy 6,8 mlrd dollardan byltyr 12,5 mlrd dollarǵa deıin ulǵaıdy. Taýarlar men qyzmetter eksporty ótken jyldyń deńgeıinde saqtalyp, 90,1 mlrd dollardy qurady. Taýar eksportynyń tómendeýi qyzmet eksportynyń ósýimen óteldi. Taýar men qyzmet ımporty 80,3 mlrd dollarǵa deıin 9 paıyzǵa ósti. Ósýge negizinen ónerkásip taýarlaryn satyp alý sebep boldy, - dedi Erulan Jamaýbaev.
Onyń dereginshe, kiris balansynyń tapshylyǵy negizinen shıkizat eksportynyń taza paıdasynyń tómendeýi esebinen 22,3 mlrd dollarǵa deıin 4 paıyzǵa qysqardy.
- Osyǵan qaramastan beırezıdentterge tólenetin tólemniń kólemi joǵary deńgeıde qalyp otyr. Bul tólem balansyna belgili bir deńgeıde tejeý boldy, - dedi ol.
Aıta keteıik, bıylǵy birinshi toqsanda jalpy ishki ónim naqty 3 paıyzǵa ósti.
