Byltyr 73 meıramhana paıdalanýǵa berildi

ASTANA. KAZINFORM – 2025 jyldyń qańtar–jeltoqsan aılary aralyǵynda Qazaqstanda 20 048 oryndyq 73 meıramhana paıdalanýǵa berildi. Atalǵan nysandardyń naqty quny 74,2 mlrd teńge. Bul týraly Ulttyq statıstıka bıýrosynyń baspasóz qyzmeti habarlady. 

Meıramhanalar sany boıynsha Túrkistan oblysy (28 nysan) men Qyzylorda oblysy (8 nysan) aldyńǵy orynda boldy.

Osy kezeńde 6 696 oryndyq 92 kafe iske qosylyp, olardyń jalpy quny 14,2 mlrd teńgege jetti.

Óńirler arasynda kafelerdiń eń kóp ashylýy Túrkistan (21) jáne Qyzylorda (14) oblystarynda tirkeldi.
2024 jyly el boıynsha 75 kafe paıdalanýǵa berilgen.

Sondaı-aq esepti kezeńde 1 417 orynǵa eseptelgen 14 ashana jáne 26 oryndyq 3 jyldam tamaqtaný kásiporny ashyldy. 

Aıta ketelik elde meıramhana bıznesi qalaı damyp jatqany týraly jazǵan edik.