Byltyr 34 myńnan astam zııandy kontent jabyldy

ASTANA. KAZINFORM – Úkimet balalardy zııandy kontentten qorǵaý maqsatynda áleýmettik jelilerge jasyna qaraı shekteý engizý máselesin talqylap jatyr. 

Jýrnalıster kıberbýllıng pen sýıtsıdtik sıpattaǵy kontent taratqandarǵa qatysty qansha is qozǵalǵanyn surady.

Ortalyq kommýnıkatsııalar qyzmeti alańynda ótken brıfıngide Іshki ister mınıstrligi Ákimshilik polıtsııa komıteti tóraǵasynyń orynbasary Ǵalym Sarǵulov bul suraqqa qysqasha jaýap berdi.

– Atalǵan baǵyttaǵy monıtorıngti ІІM júrgizedi. Ótken jyly 113 myńnan astam ınternet-resýrsta zııandy kontent anyqtalǵan. Onyń ishinde 34 myńnan astamy jabyldy, - dedi spıker.

Eske sala keteıik, buǵan deıin Úkimet 2026-2030 jyldarǵa arnalǵan «Qazaqstan balalary» tujyrymdamasyn bekitkenin jazǵan edik.