Byltyr 20,1 mln sharshy metr turǵyn úı paıdalanýǵa berildi

ASTANA. KAZINFORM — 2025 jyldyń qańtar–jeltoqsan aılarynyń qorytyndysy boıynsha paıdalanýǵa berilgen turǵyn úılerdiń jalpy aýdany 2024 jylmen salystyrǵanda 5,1% artyp, 20 099,1 myń m2 qurady. Bul týraly Ulttyq statıstıka bıýrosy málim etti.

Bıýronyń málimetinshe, onyń ishinde: 13 523,7 myń m2 – kóppáterli turǵyn úı bolsa,  6 416,2 myń m2 – jeke turǵyn úı sanatynda.

Paıdalanýǵa berilgen turǵyn úı kólemi boıynsha kóshbasshy óńirler: Astana – 4 812,5 myń m2 Almaty – 2 607,7 myń m2 Shymkent – 1 381,9 myń m2 2024 jylmen salystyrǵanda eń joǵary ósim Jetisý (+11%), Almaty (+10,2%) jáne Qaraǵandy oblystarynda (+9%) tirkeldi. 

Turǵyn úılerdiń negizgi bóligi, ıaǵnı jalpy kólemniń 90% nemese 18 098,8 myń m2 jeke qurylys salýshylar tarapynan paıdalanýǵa berildi. Sonymen qatar halyqtyń óz kúshimen salǵan turǵyn úıleriniń kólemi 7 120,6 myń m2 qurady.

Jalpy 12 aıda 37 219 turǵyn úı ǵımaraty paıdalanýǵa berildi, onyń ishinde 2 591-i kóppáterli turǵyn úı (185,8 myń páter).

Aıta keteıik, buǵan deıin turǵyn úıdi satyp alý-satý mámileleriniń sany 3,1% azaıdy.