Byltyr 200 ınvestıtsııalyq daý sotqa jetken

ASTANA. KAZINFORM –  Byltyr 200 ınvestıtsııalyq daý sotqa jetip, 80 paıyz bıznes paıdasyna sheshilgen.  Bul týraly Joǵarǵy sottyń ákimshilik ister jónindegi sot alqasynyń tóraǵasy Aslan Týkıev málimdedi.

сот
Фото: Солтан Жексенбеков/Kazinform

- 2024 jyly Ákimshilik sotqa ınvestorlardan 200 shaǵym tústi. Sonyń 80 paıyzyn sottar ınvestordyń paıdasyna sheshti. Buryn mundaı kórsetkish oıǵa syımaıtyndaı kórinetin. Qazir sot tóreligi saıasatyndaǵy ózgeristerdiń arqasynda bul múmkin bolyp otyr. Atalǵan sandar másele barshylyq ekenin kórsetedi. Onyń kóbi zańnama men ákimshilik saıasattaǵy júıelik kemshilikterge baılanysty týyndaıdy. Úshinshi másele – formalızm men bıýrokratııa. Tıtteı bir túıtkil kórinse, memlekettik organdar sheshim qabyldaýdan jaltarady. Óıtkeni jaýapkershilik alýdan qorqady, - dedi ol.

Aslan Týkıev ınvestorlardan shaǵym jıi túsetin salalardy atady.

- Birinshi kezekte Qarjy mınıstrligi, Ónerkásip jáne qurylys, Ekologııa mınıstrlikteri tur. Qarjy mınıstrliginiń ústinen, árıne salyq máselesi boıynsha jıi shaǵymdanady. Іshinara kedendik daýlar bar. Ónerkásip jáne qurylys mınıstrliginiń ústinen jer qoınaýyn ıgerý máselesi boıynsha shaǵym kóp. Mundaǵy másele zańnamaǵa baılanysty. Bizde jer qoınaýyn ıgerýge ruqsatty basqa memorgan berse, ınfraqurlymy men jerdi jergilikti ákimdikter beredi. Osy qujattardyń bárin jınap shyqqansha merzim ótip ketip jatady. Odan keıin nege jumysqa kirispeı jatyrsyń degen suraqtar paıda bolady. Merzim buzylǵannan keıin memlekettik apparat sheshim qabyldaýǵa qorqyp odan ári sozady. Investorlar sotqa tek memlekettik organdarda qaıyr bolmaǵan kezde ǵana júginedi. Sotta qaralatyn ınvestıtsııalyq daýlar jyl saıyn 10 paıyzǵa ósip keledi, - dedi Joǵarǵy sot ókili.

Eske salsaq, ótken aıda «Kazakh invest» ulttyq kompanııasy» AQ osy másele týraly arnaıy materıal jarııalaǵan edi. Onda tikeleı sheteldik ınvestıtsııa kólemi, eldegi ınvestıtsııalyq saıasatqa qatysty qalyptasqan jaǵdaı men oǵan áser etetin faktorlar týraly aıtylǵan. 

Сейчас читают