Byltyr 1757 reseılik Qazaqstan azamattyǵyn alǵan
ASTANA. KAZINFORM – 2025 jyly el aýmaǵyna kirgen 15 mln 956 myń 571 sheteldiktiń 63 480-i qaıta shyqpaı qalǵan. Іshki ister mınıstrliginiń Kazinform saýalyna bergen jaýabynda osyndaı derek bar.
- 2025 jyly Qazaqstan Respýblıkasyna 15 956 571 shetel azamaty kirip, 15 893 091-i shyqqan (2024 jyly 15 454 808 shetel azamaty kirip, 15 414 762 shyqqan, - dep jazylǵan jaýapta.
ІІM deregine súıensek, 2025 jyly 113 myń 961 shetel azamaty kóshi-qon zańnamasyn buzǵany úshin ákimshilik jaýapkershilikke tartylyp, 18 myń 872 sheteldik Qazaqstan aýmaǵynan shyǵarylǵan. Al 2024 jyly 97 myń 229 shetel azamaty kóshi-qon zańnamasyn buzyp, 14 myń 124-i el aýmaǵynan shyǵarylǵan bolatyn.
Mınıstrliktegiler byltyr Qazaqstanda turýǵa yqtııarhat alǵan Reseı azamattarynyń sany 8148 adam bolǵanyn atap ótti (2024 jyly – 9761).
- 2025 jyly buryn Reseı Federatsııasynyń azamaty bolǵan 1757 adam Qazaqstan Respýblıkasynyń azamattyǵyn aldy (2024 jyly – 2148), - dep jazady ІІM mamandary.
Eńbek jáne halyqty áleýmettik qorǵaý mınıstrliniń málimeti boıynsha, 2025 jyly syrtqy kóshi-qon saldosy oń dınamıka kórsetip, 16,1 myń adamǵa deıin ósken.