Byltyr 15 myń qazaqstandyq shetel asty – kóshi-qon komıteti

ASTANA. KAZINFORM – Elimizde shetelden kóship kelýdiń oń dınamıkasy baıqalady. Ótken jyly elimizge 23 myń adam kóship keldi. Bul týraly Eńbek jáne halyqty áleýmettik qorǵaý mınıstrligi kóshi-qon komıtetiniń tóraǵasy Asqarbek Ertaev málim etti.

«Byltyr syrttan kelý kóshi-qony boıynsha oń dınamıka baıqaldy. 2023 jylǵy 1 jeltoqsandaǵy jaǵdaıy boıynsha elge 23 myń adam (8,3 myń adamǵa ósti) kóship kelip, 15 myń adam elden shyqty. Syrttan kelý kóshi-qon ósimi negizinen TMD elderi men Qytaıǵa tıesili», - dedi Asqarbek Ertaev Ortalyq kommýnıkatsııalar qyzmeti alańynda ótken baspasóz máslıhatynda.

Odan bólek, spıker elimizdegi ishki kóshi-qonǵa toqtaldy.

«Ótken jyly qańtar-qyrkúıek aıy aralyǵynda 733 myń otandasymyz el ishinde kóship qondy. Onyń ishinde 338 myńy oblysaralyq qonys aýdardy. Kóbisi megopolıs qalalarǵa kóshken, ıaǵnı Astanaǵa – 74 myń, Almatyǵa – 67 myń jáne Shymkentke – 30 myń adam turaqty turýǵa keldi», – dep tolyqtyrdy kóshi-qon komıtetiniń basshysy.

Buǵan deıin qazaqstandyqtarǵa Ońtústik Koreıada zańdy túrde úsh jyl jumys isteý múmkindigi beriletini týraly habarlaǵan edik.