Byltyr 14 mln náreste eshqandaı ekpe almaǵan – DDSU men ıÝNISEF
ASTANA. KAZINFORM – 2024 jyly dúnıejúzinde 14,3 mln sábı múlde vaktsına almaǵan. Al shamamen 20 mln bala dıfterııa, sirespe jáne kókjótelge qarsy ekpeniń keminde bir dozasyn qabyldamaǵan. Bul týraly Dúnıejúzilik densaýlyq saqtaý uıymy (DDSU) men ıÝNISEF taratqan jańa derekterde aıtylǵan.
Byltyr álem boıynsha sábılerdiń 89%-y – 115 mln bala – atalǵan vaktsına túriniń keminde bir dozasyn alǵan, al 85%-y tolyq úsh dozalyq kýrstan ótken.
Mamandar ekpege suranys joǵary bolǵanymen, qarjylandyrýdyń azaıýy, turaqsyzdyq pen jalǵan aqparattyń taralýy saldarynan ımmýndaý baǵdarlamalaryna qaýip tónip turǵanyn eskertedi. Problemalarǵa sonymen birge medıtsınalyq qyzmetke qoljetimdiliktiń shekteýligi, qaqtyǵystar men vaktsınalar týraly dezınformatsııa sebep bolýda.
Qazirgi tańda álemdegi ekpe almaǵan balalardyń jartysy turaqsyzdyq jaılaǵan 26 elde turady. 2019 jyly mundaı balalar sany 3,6 mln bolsa, 2024 jyly 5,4 mln-ǵa jetken. Bul ımmýndaý sharalaryn gýmanıtarlyq baǵdarlamalarǵa engizý qajettigin kórsetedi.
Soǵan qaramastan, kóptegen elder vaktsınatsııa aýqymyn keńeıtip jatyr. 2024 jyly tabysy tómen elderde balalardy vaktsınamen qamtý kórsetkishi artqan. Qyzylshaǵa qarsy alǵashqy dozany 84%, al ekinshisin 76% bala alǵanymen, bul indettiń taralýyn toqtatý úshin qajet 95% deńgeıge jetpeıdi.
2024 jyly qyzylsha indeti 60 elde tirkelgen. Bul 2022 jylmen salystyrǵanda eki esege kóp.
Aıta keteıik, 2026 jyly adam papıllomasy vırýsyna qarsy vaktsına uldarǵa da egiledi.