Byltyr elimizde 123 651 jup nekelesip, 40 647-si ajyrasqan

ASTANA. KAZINFORM – Ulttyq statıstıka bıýrosy 2024 jylǵy qańtar-jeltoqsandaǵy demografııalyq jaǵdaı týraly statıstıkalyq málimetter jarııalady.

неке
Фото: Pixabay

2025 jylǵy 1 qańtardaǵy jaǵdaı boıynsha halyq sany 20 286 084 adamdy qurady, onyń ishinde qala turǵyndary – 12 774 743, aýyl turǵyndary – 7 511 341 adam. Halyqtyń sany bir jylda 252 242 adamǵa ósti, onyń ishinde tabıǵı ósim esebinen 235 078 adamǵa, kóshi-qon esebinen – 17 164 adamǵa.

12 aı ishinde 368 670 sábı dúnıege keldi, onyń ishinde uldar – 190 213, qyzdar – 178 457. Týýdyń eń joǵary deńgeıi Túrkistan (1000 turǵynǵa 25,05 adam), Mańǵystaý (24,47) oblystarynda jáne Shymkent qalasynda (23,68) baıqaldy.

Atalǵan ýaqyt ishinde 133 592 adam qaıtys boldy. Ólim-jitimniń eń joǵary deńgeıi Soltústik Qazaqstan (1000 turǵynǵa shaqqanda 11,57), Shyǵys Qazaqstan (11,29) jáne Qostanaı (10,18) oblystarynda baıqaldy, bul osy aımaqtardaǵy halyqtyń jas qurylymyna baılanysty.

Sondaı-aq byltyrǵy jyldyń ishinde aldyn ala málimet boıynsha 123 651 neke jáne 40 647 ajyrasý tirkelgen.

statıstıka
Foto: Ulttyq statıstıka bıýrosy

2024 jylǵy qańtar-jeltoqsanda elge kelgender (yqtııarhat alǵan) sany 29 948 adamdy qurasa, elden 12 784 adam ketken. Kóshi-qonnyń oń saldosy 17 164 adamdy qurady. 2023 jyldyń tıisti kezeńimen salystyrǵanda Qazaqstanǵa kelgender sany 17,9% kóbeıse, elden ketkender sany 20,4% azaıǵan. Eldiń negizgi kóshi-qon almasýy TMD memleketterimen bolǵan. Sol elderden kelgenderdiń úlesi 81,1% bolsa, sonda ketkenderdiń úlesi 74,9%.

statıstıka
Foto: Ulttyq statıstıka bıýrosy

2023 jyldyń tıisti kezeńimen salystyrǵanda el ishinde kóship-qonýshylar sany 47,6% artty. Óńiraralyq kóshi-qon boıynsha halyq kóshi-qonynyń oń saldosy elimizdiń 4 óńirinde qalyptasty: Astana (7 3238 adam), Almaty (36 061 adam), Shymkent qalalarynda (9 361 adam) jáne Almaty oblysy (2 639 adam).

Budan buryn Qazaqstannyń 2050 jylǵa deıingi demografııalyq saıasatynyń tujyrymdamasyn ázirleý usynyldy.

Сейчас читают