Bıllıng júıesi arqyly 26,5 myńnan astam kelisimshart jasaldy

Jyl basynan beri Sý resýrstary jáne ırrıgatsııa mınıstrligi sharýalarmen sý jetkizýge arnalǵan kelisimsharttardy jasasý rásimin elektrondy formatqa kóshirý jumystaryn júrgizip keledi. Búgingi tańda «Qazsýshar» RMK dıqandarmen 26 527 elektrondy kelisim jasasty.

Onyń ishinde Túrkistan fılıaly boıynsha 10 568 kelisimshart, Jetisý oblysy fılıaly boıynsha 7 633, Jambyl fılıaly boıynsha 3 480, al D.Qonaev atyndaǵy Úlken Almaty kanaly fılıaly boıynsha 2 553 kelisimshart rásimdelgen.

Mınıstrlik málimetinshe, Qyzylorda oblysynda 979, Shyǵys Qazaqstan oblysynda 744, Abaı oblysynda 440, Batys Qazaqstan oblysynda 56, Qaraǵandy oblysynda 33 elektrondy kelisimshart jasaldy. Al Q.Sátbaev atyndaǵy kanal fılıaly kanaldar arqyly sý jetkizý boıynsha 41 elektrondy kelisimshart rásimdegen.

- Mınıstrlik engizip jatqan bıllıng júıesi sý paıdalanýdy basqarýdyń tolyq tsıklin qamtıdy. ıAǵnı ótinish berý men kelisimshart jasaýdan bastap, naqty tutynylǵan sý kólemin esepke alý men tólem júrgizýge deıingi barlyq kezeńdi biriktiredi. Júıe derekterdegi alshaqtyqtardy boldyrmaýǵa, ákimshilik rásimderdi ońtaılandyrýǵa, adamı faktordyń áserin azaıtýǵa, sondaı-aq sý resýrstaryn bólýde jáne sý paıdalaný tólemderin esepteýde ashyqtyq pen ádildikti qamtamasyz etýge múmkindik beredi, – dedi Sý resýrstary jáne ırrıgatsııa birinshi vıtse-mınıstri Nurlan Aldamjarov.

Túrkistan oblysyndaǵy aýdandarda jańa bıllıng aqparattyq júıesi pılottyq rejımde engizilip jatqanyn jazǵan edik.