Bıllı Djın Kıng kýbogynyń irikteý týrnıri: Qazaqstan jasóspirimder quramasy pleı-off kezeńine shyqty
ASTANA. KAZINFORM — Shymkent qalasynda 16 jasqa deıingiler arasynda tennısten Bıllı Djın Kıng kýbogy aıasynda Azııa — Tynyq muhıt aımaǵy boıynsha ótip jatqan irikteý týrnırinde Qazaqstan qyzdar quramasy toptyq básekeni sátti aıaqtady.
Qazaqstandyq qyzdar óz tobyndaǵy sońǵy matchta Taıland quramasymen kortqa shyqty.
Aldymen Márııam Nurjan Djınnıpa Trachývanıchpen básekede alǵashqy partııada ese jibergenimen, kambek jasaı aldy — 4:6, 6:2, 7:5.
Budan keıin Tamına Sáken de Chotrın Kaevkanyń mysyn basty — 0:6, 6:4, 6:4.
Osylaısha, jekeleı syn qorytyndysy boıynsha 2:0 esebimen merziminen buryn jeńiske jetkennen keıin ıAroslava Shvedova bastaǵan bapkerlik shtab oıynshylardyń kúshin saqtaý úshin juptyq kezdesýdi ótkizbeýdi jón kórdi.
Atalmysh topta 3 jeńiske qol jetkizgen Japonııa birinshi, Qazaqstan (2 utys) ekinshi orynmen pleı-off kezeńine joldama aldy.
Jerebe qorytyndysyna sáıkes Qazaqstan jasóspirimder quramasy Ońtústik Koreıamen oınaıdy. Ońtústikkoreıalyq qyzdar osal qarsylas emes.
Shırek fınaldyq matchtar 14 mamyr kúni ótedi.
Eske sala keteıik, budan buryn Shymkentte jasóspirimder quramalary álem chempıonatyna joldamany sarapqa salatynyn jazǵan edik.
Sondaı-aq Bıllı Djın Kıng kýbogynyń irikteý týrnırinde Qazaqstan jasóspirimder quramasy Gonkongty jeńdi.
