Bıllı Djın Kıng kýbogynyń irikteý týrnıri: Qazaqstan jasóspirimder quramasy Gonkongty jeńdi
ASTANA. KAZINFORM — Shymkent qalasynda 16 jasqa deıingiler arasynda tennısten Bıllı Djın Kıng kýbogy aıasynda Azııa — Tynyq muhıt aımaǵy boıynsha irikteý týrnıri ótip jatyr.
Ataqty tennısshi ıAroslava Shvedova jetekshilik etetin Qazaqstan qyzdar quramasy toptyq kezeńde eki kezdesý ótkizip úlgerdi.
Shymkent korttarynda el namysyn Karolına Lıgaı, Tamına Sáken jáne Márııam Nurjan qorǵaýda.
Bastapqy matchta qazaqstandyq jasóspirimder keshe jarys favorıti Japonııa quramasyna ese jiberdi — 0:3.
Esesine búgin Qazaqstan quramasy Gonkongpen matchta jeńisti julyp aldy — 2:1.
Aldymen Tamına Sáken Ka Heı Many qapy qaldyrdy — 6:1, 6:2. Budan keıin Karolına Lıgaı Chıý Kvan Nına Vangqa ese jiberdi — 0:6, 2:6.
Juptyq synda Márııam Nurjan — Tamına Sáken Gonkong ókilderi Hıý Lam Ella Vong — Ka Heı Many 6:4, 6:3 esebimen tize búktirip, Qazaqstanǵa jeńis áperdi.
Sársenbi kúni Japonııa Gonkongpen, Qazaqstan Taılandpen oınaıdy. Qazaqstandyq qyzdar úshin dál osy kezdesý sheshýshi bolmaq. Taılandty utsa, Qazaqstan quramasy álem chempıonatynyń joldamasy úshin básekeni jalǵastyrady.
Eske sala keteıik, budan buryn Shymkentte jasóspirimder quramalary álem chempıonatyna joldamany sarapqa salatynyn jazǵan edik.
Sondaı-aq Rım týrnırinde Elena Rybakına álemniń eks 1-raketkasyn utyp, shırek fınalǵa shyqty.
Anna Danılına Rım týrnıriniń shırek fınalyna joldama aldy.
