Bıllı Djın Kıng kýbogy: Shymkentte jasóspirimder quramalary arasynda irikteý týrnıri aıaqtaldy
ASTANA. KAZINFORM — Shymkent qalasynda 16 jasqa deıingiler arasynda Bıllı Djın Kıng kýbogy Azııa – Tynyq muhıt aımaǵy boıynsha irikteý týrnıri máresine jetti.
Barlyǵy 16 komanda baq synaǵan jarystyń sońǵy kúni Qazaqstan jasóspirimder quramasy Úndistandy jeńip, jetinshi orynǵa turaqtady.
Úndistanmen matchta aldymen Tamına Sáken Anandıtý Ýpadhaıdy 6:2, 6:2 esebimen tize búktirdi. Budan keıin Karolına Lıgaı Djensı Dıpakbhaı Kanabarǵa ese jiberdi – 2:6, 2:6.
Márııam Nurjan men Tamına Sáken juptyq synda Djensı Dıpakbhaı Kanabar – Anandıtý Ýpadhaımen básekede kambek jasap, jeńisti julyp aldy – 3:6, 6:4, 10:6. Qorytyndy esep – 2:1, Qazaqstannyń paıdasynda.
Fınalda Japonııa Ońtústik Koreıadan 2:0 esebimen aılasyn asyryp, jarys jeńimpazy atandy.
Aýstralııany 2:1 esebimen utqan taıbeılikter úzdik úshtikti túıindedi.
Osy tórt komanda qarasha aıynda ótetin komandalyq álem chempıonatyna joldama aldy.
Qazaqstandyq quramanyń oıyny jóninde komanda kapıtany ıAroslava Shvedova óz pikirin bildirdi.
- Bizdiń qyzdar jaqsy óner kórsetip, bar kúshin saldy. Bastapqydan-aq úzdikterdiń qatarynda bolmaǵandyqtan, básekeler ońaıǵa túsken joq. Soǵan qaramastan, qyzdar ár matchta tabandylyq tanyta bildi. Eshteńemen almastyrýǵa bolmaıtyn bul úlken tájirıbe olarǵa bolashaqta mindetti túrde kómektesetin bolady, - dedi ıA.Shvedova.
Eske sala keteıik, budan buryn Bıllı Djın Kıng kýbogynyń irikteý týrnırinde Qazaqstan jasóspirimder quramasynyń pleı-off kezeńine shyqqanyn jazǵan edik.
Sondaı-aq ıÝlııa Pýtıntseva Strasbýrg týrnırin sátti bastady.
