Bıllı Djın Kıng kýbogy: Qazaqstanmen matchta AQSh alǵa shyqty

ASTANA. KAZINFORM — Qytaıdyń Shenchjen qalasynda tennısten Bıllı Djın Kıng kýbogynyń shırek fınalynda Qazaqstan — AQSh matchy ótip jatyr.

Kortqa alǵashqy bolyp reıtıngide 61-oryndaǵy ıÝlııa Pýtıntseva men álemniń 18-raketkasy Emma Navarro shyqty.

Birinshi partııada Navarro 7:5 esebimen basym tústi.

Ekinshisinde Pýtıntseva ese qaıyrdy — 6:2.

Úshinshi, sheshýshi sette qazaqstandyq tennısshi taı-breıkte qos birdeı matchboldy paıdalana almady — 6:7 (6:8).

Tartysty báseke 2 saǵat 30 mınýtqa sozyldy.

Osylaısha, AQSh quramasy 1:0 esebimen alǵa shyqty.

Eske sala keteıik, budan buryn Bıllı Djın Kıng kýbogynda Qazaqstan — AQSh matchynda kimder oınaıtynyn jazǵan edik.