Bıllı Djın Kıng kýbogy: qazaqstandyq tennısshiler qatysatyn fınaldyq kezeńniń kestesi jarııalandy
ASTANA. KAZINFORM – Bıllı Djın Kıng kýbogynyń uıymdastyrý komıteti 22-27 qyrkúıek aralyǵynda Qytaıdyń Shenchjen qalasynda ótetin týrnırdiń fınaldyq kezeńiniń tolyq kestesin jarııalady.
Shırek fınaldyq kezeń Chehııa men Ulybrıtanııa quramalary arasyndaǵy matchpen bastalady. Qazaqstan tennıs federatsııasy málimetinshe, kezdesýi 22 qyrkúıekte ótedi.
Qazaqstan men Ispanııa quramalary arasyndaǵy shırek fınaldyq match 23 qyrkúıekke josparlanǵan. Al 24 qyrkúıekte Ýkraına men Belgııa, sondaı-aq Qytaı men Italııa quramalary ózara kezdesedi.
Fınaldyq kezeńniń tolyq kestesi
22 qyrkúıek
Chehııa – Ulybrıtanııa (1-shırek fınal)
23 qyrkúıek
Ispanııa – Qazaqstan (2-shırek fınal)
24 qyrkúıek
Ýkraına – Belgııa (3-shırek fınal)
Qytaı – Italııa (4-shırek fınal)
25 qyrkúıek
1-jartylaı fınal: 1-shırek fınal jeńimpazy – 2-shırek fınal jeńimpazy
26 qyrkúıek
2-jartylaı fınal: 3-shırek fınal jeńimpazy – 4-shırek fınal jeńimpazy
27 qyrkúıek
Fınal
Árbir jup úsh matchtan turady: eki jekeleı kezdesý jáne bir juptyq match. Barlyq oıyndar eki sette jeńiske jetkenge deıin oınalady, ár sette taı-breık qarastyrylǵan.
Jibek Qulambaeva Bolgarııadaǵy jarystyń shırek fınalyna ótkenin jazǵan bolatynbyz.
